ដោយ៖ សុខុម

ឧត្តរមានជ័យ៖ សមត្ថកិច្ចនគរបាលខេត្តឧត្តរមានជ័យ នៅថ្ងៃទី២៥ ខែសីហា ឆ្នាំ២០២៦ បានចុះស្រាវជ្រាវ និងបង្ក្រាបទីតាំងសង្ស័យពាក់ព័ន្ធការឆបោកតាមប្រព័ន្ធបច្ចេកវិទ្យា (Online Scam) មួយកន្លែង ស្ថិតនៅភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។

ប្រតិបត្តិការនេះ សមត្ថកិច្ចបានឃាត់ខ្លួនមនុស្សចំនួន ២នាក់ រួមមានបុរសម្នាក់ និងស្ត្រីម្នាក់ អាយុ ២២ឆ្នាំ និងបានដកហូតវត្ថុតាងមួយចំនួន រួមមាន៖ កុំព្យូទ័រ ២គ្រឿង និងទូរសព្ទ iPhone 15 Pro Max ចំនួន ២គ្រឿង។

បច្ចុប្បន្ន ជនសង្ស័យ និងវត្ថុតាង ត្រូវបានសមត្ថកិច្ចជំនាញសាកសួរ និងកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់។

សមត្ថកិច្ចបានរំលឹកថា សូមបងប្អូនប្រជាពលរដ្ឋបង្កើនការប្រុងប្រយ័ត្នចំពោះការឆបោកតាមអនឡាញ កុំផ្តល់ព័ត៌មានផ្ទាល់ខ្លួន លេខកូដ OTP ឬផ្ទេរប្រាក់ទៅគណនីដែលមិនស្គាល់ ដើម្បីជៀសវាងការខាតបង់ និងការធ្លាក់ខ្លួនជាជនរងគ្រោះ៕